KILALANIN: Cinemalaya 2019 winners

Nanguna sa mga pelikulang kinilala sa idinaos na awarding ceremony para sa Cinemalaya 2019 ang “John Denver Trending” ni Arden Rod Condez na hinirang na Best Film, Agosto 11.

Ayon sa pahayag na inilabas ng Cinemalaya, isang pelikula tungkol sa 14 na taong gulang na batang lalaki na sumikat dahil sa isang video ang “John Denver Trending.” Bukod sa pinakamataas na gawad, nakuha rin ng nasabing pelikula ang Best Actor para kay Jansen Magpusao, Best Original Music Score (Len Calvo), Best Editing (Benjo Ferrer III), Best Cinematography (Rommel Sales) at ang NETPAC Award para sa Full-Length.

Nakamit naman ng pelikulang “Edward” ni Thop Nazareno ang Special Jury Prize. Ginawaran din ang “Edward” para sa Best Production Design (Alvin Francisco) at Best Supporting Actress (Ella Cruz) awards.

Napunta sa pelikulang “F#*@ Bois” ang mga pagkilalang Best Director para kay Eduardo Roy, Jr. at Best Supporting Actor para kay Ricky Davao.

Hindi rin nagpahuli ang pelikulang “Iska” ni Theodore Boborol na nakakuha sa mga award na Best Sound (Immanuel Verona), Best Screenplay (Mary Rose Colindres), at Best Actress (Ruby Ruiz).

NOW SHOWING. In the running for Cinemalaya's full-length film competition are "ANi," "Belle Douleur," "Children of the River," "Edward," "F#*@Bois," "Iska," "John Denver Trending," "Malamaya," "Pandanggo sa Hukay," and "Tabon."

Sa 10 mga pelikula, nanguna sa idinaos na Cinemalaya Film Festival 2019 ang “John Denver Trending,” “Edward,” “F#*A@Bois,” at “Iska.” Kasama rin sa festival ang mga pelikulang “ANi,” “Belle Douleur,” “Children of the River,”  “Malamaya,” “Pandanggo sa Hukay,” at “Tabon.”

Sa Shorts Competition naman, hinirang na Best Short Film ang “‘Wag Mo Akong Kausapin” ni Josef Gacutan. Si Don Senoc naman ang pinarangalang Best Director para sa “Sa Among Agwat.” Nakamit naman ng “Tembong” ni Shaira Advincula ang Special Jury Prize, samantalang napunta sa “Kontrolado ni Girly ang Buhay Niya” ni Gilb Baldoza ang Best Screenplay at sa “Hele ng Maharlika” ni Norvin De Los Santos ang Special Mention for Subject Matter.

For the main shorts compet, the finalists are "Disconnection Notice,” “Gatilyo,” “Heist School,” “Hele ng Maharlika,” "Kontrolado Ni Girly Ang Buhay N’ya," “Sa Among Agwat," “Sa Gabing Tanging Liwanag Ay Paniniwala,” “Tembong,” “The Shoemaker,” and "‘Wag Mo ‘Kong Kausapin."

Kinilalang finalists sa Cinemalaya Shorts Competition ang “Disconnection Notice,” “Gatilyo,” “Heist School,” “Hele ng Maharlika,” “Kontrolado Ni Girly Ang Buhay N’ya,” “Sa Among Agwat,” “Sa Gabing Tanging Liwanag Ay Paniniwala,” “Tembong,” “The Shoemaker,” at “‘Wag Mo ‘Kong Kausapin.”

Matatandaang, sa unang pagkakataon, sabay na ipinalabas sa piling mga sinehan sa Manila, Pampanga, Naga, Legaspi, Bacolod, Iloilo, at Davao ang mga pelikulang lahok sa Cinemalaya 2019.